ليش عم تبصبصوا شباب؟؟؟
صحيح هالظاهرة معروفة من زمان
بس هلأ صارت ملفتة للنظر
مدري ماعاد في حيا.. مدري صارت عادية عند الناس..او يمكن لانو ماعادت الناس عرفت الحلال من الحرام
والمصيبة انو مو بس الشباب اللي عم تبصبص....
كمان الشيّاب..يعني الختايرة...
وكأنو عم يشوفوا شي اول مرة بحياتهن عم يشوفوه
هلأ يمكن معهن حق بس مين اجا اول ياترى
البيضة ولا الدجاجة؟؟؟
يعني مين السبب؟؟
البنت ولا اللي عم يبصبصوا عالبنت؟؟
صحيح احياناً بيكون في شي مثير بيخلي كل الناس تبصبص.. حتى البنات بتصير بتطلع
وهاد شي طبيعي انا بعتبرو
بس اللي مو طبيعي انو كل ما تمرء بنت بيفحصها الشب من فوووووووووق لتحت.. ويمكن يزت شي كلمة
لوين ياحلوة...يسلملي الاحمر مدري الاصفر...ريتك تمشي على رمشي..الخ من اقوال ابو ليلى
ويمكن يرميلها غمزة بريئة..او بسمة جريئة..اوحركة بطيئة
يمكن تصيب ويمكن تخيب...
واذا صابت بيرميلها رقم جواله وبيعطيها موعد بالزاوية الفلانية
ليش هاد كلو؟؟؟ وشو السبب؟؟
وشو هو المراد من كل هالحركات؟؟؟
هل هو عقدة نقص عند الشباب؟؟؟
ام هي حركات جريئة ليصلوا لعلاقات غير شرعية بطريق الصدفة؟؟؟
ام هي مجرد حركات بريئة للتسلية فقط؟؟
وهل باعتقادكم ان الفتاة هي المسبب الاول والاخير لهذه التصرفات الشبابية؟؟
ام سوء التربية وانحلال المجتمع المحيط هو السبب؟؟
انتظر تعليقاتكم الصريحة
موضوع: ليش عم تبصبصوا شباب؟؟؟؟؟؟؟؟؟؟؟ 
السبت يوليو 23, 2011 4:04 am
